17.4.08
كلامك ليا فى الأول
كلامك ليا فى الأول
شغلنى بجد خلانى
أحس ان الحياة حلوة
واشوف الدنيا
شىء تانى
كلامك كان
بيسحرنى
ويبهرنى
على الأخر
مكنش ف بالى
تخدعنى
وتجرح قلبى
فى الأخر
******
كلامك لما روقته
وزوقته
بحروف العشق
عرفت ازاى تدوبنى
تخلينى
أحسه بصدق
وهمت القلب
بوعودك
ضحكت عليا
بردودك
وصدقت انى
موعودك
وإن غرامنا حيطول
كلامك ليا فى الأول
*****
كدبت عليا
ليل ونهار
وسيبت القلب يتمنى
أتارى القرب
منك نار
وعمره ف يوم
ما كان جنة
لا عندك قلب
ولا مبدأ
ولا بتصون
ولا بتعشق
نويت انا من
جديد أبدأ
وح ارجع
أقوى م الأول
كلامك ليا فى الأول
الاشتراك في:
تعليقات الرسالة (Atom)
هناك تعليقان (2):
الكلام ف الأول دايما بيتغير
مرحلة التغيير لازم تحصل ماعدا مع الحكحومة طبعا
المهم بعيد عن السياسة وعن كلامها اللي اتغير
انت عارف رأيي في اللي بتكتبه
دايما باحس ان كلامك متلحن
واحساسه تحفة
ومبروك على المدونة ولو انها جاية متأخر لظروف وندوزية بحتة..
سلام من الجزائر، كلامك جميل جدا. حقيقة أحببت هذه الأبيات، إنها معبرة...
توحي كثيرا إلى ما يجول في خواطرنا ولكن لا يستطيع التعبير عنه إلا من كان شاعرا أوفنانا
إرسال تعليق