4.12.08


عيد أضحى سعيد سعيد سعيد
كل سنة وانت طيب
كل سنة وانتى طيبة

22.7.08

الواجب

بسم الله الرحمن الرحيم

أولا : الاسئلة



1)أذكر اسم من طلب منك حل هذا الواجب ( إجبارى )


2) أذكر القوانين المتعلقة بهذا الواجب ( إختيارى )


3) تحدث عن ستة أسرار قد لا يكتشفها من يقابلك للمرة الأولى ( إجبارى)


4)حول هذا الواجب إلى ستة مدونين، وأذكر أسماءهم مع روابط مدوناتهم في موضوعك ( إجبارى )


5)اترك تعليق في مدونة من حولت الواجب عليهم، ليعلموا عن هذا الواجب ( إجبارى )

الاجابة :


1) أذكر اسم من طلب منك حل هذا الواجب..؟

اسم من طلب منى حل هذا الواجب هو الدكتورة / اسماء على



3) تحدث عن ستة أسرار قد لا يكتشفها من يقابلك لأول مرة

1 - عندى شبه زهايمر .....مبعرفش احفظ الارقام
وخاصة ارقام التلفونات والاسامى واعياد الميلاد
2 - كسول اوى ومبعرفش انظم وقتى
3 - بحب السهر وبعانى من قلة النوم
4 - مش لاقى حاجة أقولها
5 - عنيد اوى و مش مجامل
6 - حاسس ان مافيش حد ح يكومنت على الاجابات
غير اسماء


4) حول هذا الواجب إلى ستة مدونين، وأذكر أسماءهم مع روابط مدوناتهم في موضوعك

الواجب سأقوم بتحويله الى الأعزاء

1- الصديقة العزيزة جدا جدا والاديبة الرقيقة د / عزة عبد الحليم

2- الصديقة الرقيقة جدا د / همس

3- الصديقة الجميلة والشاعرة المتميزة د/ نااااااااااااااعومى

4- صديقى الحبيب الروائى د/ خالد عاشووووووور

5- اجمل حد قابلته د / محمد الدسوقى

6- حبيب قلبى / محمد ابراهيم محروس
( الوحيد اللى مش دكتور )

5) اترك تعليق في مدونة من حولت الواجب عليهم، ليعلموا عن هذا الواجب

حاضر حاضر حاضر :)





جرح الإيد اللى اتمدتله



ياما احتاجلى وياما ساعدته

اللى انا كنت سبب ف سعادته

أول ما الأيام ضحكتله

جرح الإيد اللى اتمدتله

*****

كان ينادينى أروحله هوا

كنت تملى لجرحه دوا

ياما وعدنى ح نبقى سوا

غلطة عمرى ان انا صدقته

*****

هو بيعلى ولسه مكانى

هو بيكبر وبينسانى

لا بقت فارقه معاه أحزانى

ولا كان جنبى ف يوم ما احتاجته

أول ما الأيام ضحكتله

جرح الإيد اللى اتمدتله

14.7.08

خدتنى الدنيا من حضنك


خدتنى الدنيا

من حضنك

ومن يومها بتوه فيها

سمايا نجومى

خاصمتها

وقمرى ساب لياليها


عرفت كتير

وشفت كتير

لكن غيرك ما حبتشى


أخدني بعاد

سافرت بلاد

عشان أنسى و منسيتشى


مافيش بعدك

ولا واحدة

تستاهل أعيش ليها



صبرت بس الصبر

مش دايما جميل

ولحد إمتى

هاعيش حياتى

ف ليل طويل


أشوف صورتك

أجيب سيرتك

وقلبى

يحنلك تانى


باموت بعدك

ومن بعدك

ماليش

غير بس أحزانى


مافيش بعدك

ولا واحدة

تستاهل أعيش ليها

مش قلتلك

مش قلتلك أنا دايب عشق


وبعينى شايفك أحلى ملاك


قلبى اللى عايش ليك بيدق


مخلوق عشان يفضل يهواك


أنا بوعدك


إنى اسعدك


وباقى عمرى


أعيشه معاك

*****


حبيبى يا أغلى ماليا


أنا مقدرش على بعدك


ولو ف القسمة مش ليا


ح يبقى نصيبى اموت بعدك


*****


تعرف لما بتسلم


بحس الدنيا حلوة بجد


وصوتك لما تتكلم


بيفرحنى لأبعد حد


أنا بوعدك


إنى اسعدك


وباقى عمرى


أعيشه معاك



سلمولى عليه



سلمولى عليه

اللى قمر الليل ونجومه

لسه فاكرينه

عرفوه

إنى بقيت شاعر

والسبب عينه

عشت أجمل

أيام عمرى

وهو ويايا

كان حبيبى

ولسه حبيبى

ولسه جوايا

قولوله

كل لحظه تعدى

فى عمره وهو طيب

قولوله

بجد نفسى أشوفه

نفسى يبقى قريب

دا الوحيد اللى بيفهمنى

واللى حبيته

كل يوم لعيونه باغنى

وعمرى ما نسيته

بهدى روحى إليه

سلمولى عليه

*****

السنين عماله تجرى

وعمرى وياها بيجرى

والصحاب لما يلومونى

بأقول هيرجع

لسه بدرى

يبقى افارق ليه ؟

سلمولى عليه

*****

أه كلامهم دا بيتعبنى

قوللى

أعمل إيه يا سايبنى؟

قلبى رافض أكون لغيرك

أو يشوف

غيرك فى حضنى

قوللى أعمل إيه؟

سلمولى عليه

دا الوحيد اللى بيفهمنى

واللى حبيته

كل يوم لعيونه باغنى

وعمرى ما نسيته

بهدى روحى إليه

سلمولى عليه



مالهش حل


مالهش حل ومش عادى


سامحونى لو علطول شايفه


مهما الكلام بيكون عادى


بيبقى حلو على شفايفه


جماله بجد مش معقول


يارب تصونه وتزيده


حبيبى اللى بهواه مشغول


وقلبي خلاص بقى ف إيده


مالهش حل


*****


لما بيلمس إيدى بحس


إنى لمست السما بإيديا


يعنى خلاص لو لمح بس


أنا ح اعمل كل اللى عليا

بحبه و غيره مش ح اختار


نفسى أشوفه ليل ونهار


مهما كتبت له ف أشعار


كل كلامى دا برضه شوية


مالهش حل