ياما احتاجلى وياما ساعدته
اللى انا كنت سبب ف سعادته
أول ما الأيام ضحكتله
جرح الإيد اللى اتمدتله
*****
كان ينادينى أروحله هوا
كنت تملى لجرحه دوا
ياما وعدنى ح نبقى سوا
غلطة عمرى ان انا صدقته
*****
هو بيعلى ولسه مكانى
هو بيكبر وبينسانى
لا بقت فارقه معاه أحزانى
ولا كان جنبى ف يوم ما احتاجته
أول ما الأيام ضحكتله
جرح الإيد اللى اتمدتله
اللى انا كنت سبب ف سعادته
أول ما الأيام ضحكتله
جرح الإيد اللى اتمدتله
*****
كان ينادينى أروحله هوا
كنت تملى لجرحه دوا
ياما وعدنى ح نبقى سوا
غلطة عمرى ان انا صدقته
*****
هو بيعلى ولسه مكانى
هو بيكبر وبينسانى
لا بقت فارقه معاه أحزانى
ولا كان جنبى ف يوم ما احتاجته
أول ما الأيام ضحكتله
جرح الإيد اللى اتمدتله
هناك 8 تعليقات:
يا فيري ماهو هو ده اللي دايما بيحصل
احنا بس اللي مش بنتعلم ..
حلو النص مش لاقيالك أصلا نص وحش
...
فيري
ليك واجب عندي تعالى خد الأسئلة من مدونتي وحله عندك يا باشا ..
واجب يوم الاجازة يا سمسمة
وانا باحتفل باعياد الثورة وسعيد ايما سعادة :)
مكنش العشم
عموما لاباس
جارى حل الاسئلة
فريد ياجميل
النص فى منتهى الجمال
فيه روح جديده
وان كان اسلوبك السهل الممتنع
زى ماهو
عجبنى التجديد اللى انت عمله جداااا
وعلى فكره
دا بقى الطبيعى
مدونتك جميله اوى يافريد
الخيانة والغدر
بجد موقف صعب اوي الانسان يتحط فيه
بتبقى صدمة جامدة اوي مش سهل ننساها..وصعب الجرح بعدها يخف
بس لازم في يوم يخف..عشان اللي خدعونا ميستاهلوش اننا نبكي عليهم ولا نتعزب باقي عمرنا عشانهم
وبيفضل جوانا امل نحب تاني..ناس تستاهل الحب ده
تسلم ايدك يافريد
تحياتي
ناعومى
الأجمل
والله انتى اللى ف منتهى الجمال
وعيونك حلوين
ربنا ما يحرمنى منك ابدا
همس
الخيانة والغدر
انا معاكى انها بقت موجودة وبنقابلها كتير اوى
اعرف ناس كتير اتعرضت لحاجات زى كدا منهم اللى بينسى وبيبدا من جديد
ومنهم اللى بيعيش العمر يندم ويشكى
همس
انتى منورانى وببقى مبسوط اوى بزياراتك
ويارب ربنا يسلمك من كل سوء
كالعادة قلمك رائع يا صديقى
هو فعلا يا فري جرح الإيد اللي اتمدت له...
ماشي يا عم..اوجع فينا تاني...
إرسال تعليق